Бахрэйн спыніў наземныя, марскія і паветраныя зносіны з Катарам. Грамадзянам гэтай краіны даецца 14 дзён, а катарскі дыпляматам — 48 гадзін на вяртаньне на радзіму.
Такія ж захады ў дачыненьні да Катару зробіць і Саудаўская Арабія. У Эр-Рыядзе заявілі, што прынялі такое рашэньне для абароны ад пагроз тэрарызму і экстрэмізму. Эгіпет, які таксама закрывае свае парты і аэрапорты для транспарту Катара, абвінавачвае Доху ў падтрымцы тэрарыстычных груповак, у прыватнасьці «Братоў мусульман». ААЭ абвінавацілі Катар у фінансаваньні тэрарыстаў і экстрэмістаў, у тым ліку «Ісламскай дзяржавы» і «Аль-Каіды».
Канфлікт паміж Катарам і яго суседзямі адбыўся праз тыдзень пасьля саміту краін Пэрсыдзкай затокі і ЗША ў Эр-Рыядзе, на якім была асуджаная палітыка Ірану.
Катарскае агенцтва навін разьмясьціла ад імя эміра гаворка ў падтрымку выбудоўваньня адносін з Тэгеранам. Пазьней у МЗС Катара заявілі, што сайт агенцтва быў узламаны, і гаворка ад імя эміра была апублікаваная хакерамі. Аднак Саудаўская Арабія, ААЭ і Бахрэйн палічылі абвяржэньне непераканаўчым.
Рэакцыі Катара на разрыў дыпляматычных адносін пакуль няма.
