Лінкі ўнівэрсальнага доступу

У Чачні запатрабавалі заблякаваць доступ да карыкатураў «Charlie Hebdo»


Рамзан Кадыраў
Рамзан Кадыраў

Пракуратура Чачні запатрабавала заблякаваць доступ да апублікаваных у сеціве карыкатур з францускага сатырычнага часопіса «Charlie Hebdo» на тэму перасьледу геяў у рэспубліцы. У ведамстве лічаць, што малюнкі абражаюць рэлігійныя пачуцьці вернікаў і могуць прывесьці да распальваньня варожасьці.

Пазоў пададзены ў Ленінскі раённы суд Грознага, піша інтэрнэт-выданьне «Кавказский узел». Паводле яго зьвестак, пракуратура не ўдакладняе, які менавіта рэсурс яна патрабуе заблякаваць за публікацыю карыкатураў.

Раней «Charlie Hebdo» прысьвяціў сэрыю карыкатураў тэме перасьледу геяў у Чачні. Пэрсанажам адной зь іх стаў кіраўнік Чачні Рамзан Кадыраў.

Аб масавых затрыманьнях, катаваньнях і забойствах геяў у Чачні расейская «Новая газета» пісала ў красавіку. Улады рэспублікі абвінавацілі журналістаў у паклёпе.

У студзені 2015 году ў Парыжы ў выніку страляніны ў рэдакцыі «Charlie Hebdo», загінулі 12 чалавек. Ісламісты, якія ўчынілі напад, заявілі, што напад на часопіс быў помстай за карыкатуры на прарока Мухамада. Згадваўся часопіс і ў справе аб забойстве Барыса Нямцова. Падчас допыту абвінавачаны ў злачынстве былы баец батальёну «Север» МУС Чачні Заур Дадаеў назваў прычынай забойства падтрымку Нямцовым апублікаванай «Charlie Hebdo» карыкатуры на прарока Мухамада.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG