Лінкі ўнівэрсальнага доступу

Белы дом абдумвае пытаньне аб павелічэньні вайсковага кантынгенту ў Аўганістане


Ілюстрацыйнае фота. Амэрыканскі вайскоўца ў Аўганістане, 2010 год

Пэнтагон дамагаецца ад адміністрацыі Трампа павелічэньня колькасьці амэрыканскіх войскаў у краіне яшчэ на 5 тысяч салдат.

Апошні тэракт у Кабуле, які забраў жыцьці каля 90 чалавек, паставіў пад сумнеў посьпех пляну аднаўленьня міру ў Аўганістане. «З аднаго боку, гэта нагадвае нам, што місія ЗША па-ранейшаму сутыкаецца зь цяжкасьцямі, — прыводзіць агенцтва ABC словы аналітыка Інстытуту Брукінгса Майкла О’Хэнлона. — З другога боку, гэта нагадвае, што, якія б монстры нам ні супрацьстаялі, мы ня маем права прайграваць у гэтай вайне».

На думку часткі экспэртаў, падзеі ў Аўганістане падмацоўваюць пазыцыю тых дарадцаў Дональда Трампа, якія спрабуюць пераканаць прэзыдэнта ў тым, што зрушыць шалю на бок амэрыканцаў можна, калі павялічыць вайсковы кантынгент ЗША ў гэтай краіне на 3-5 тыс. салдат.

Вайна ў Аўганістане зьяўляецца самай працяглай ваеннай кампаніяй у гісторыі Злучаных Штатаў. Прайшло ўжо амаль 16 гадоў з моманту, калі вайсковыя падразьдзяленьні ЗША былі адпраўленыя ў Аўганістан пасьля тэрактаў 11 верасьня 2001 году, арганізаваных і ажыцьцёўленых групоўкай «Аль-Каіда».

Цяпер, калі ісламісцкі рух Талібан зноў адваяваў кантроль над 40% тэрыторыі Аўганістану, дарадцы Трампа — у першую чаргу з Пэнтагону — схільныя лічыць, што ў дадатак да 8 тыс. амэрыканскіх вайскоўцаў, дысьлякаваных у краіне сёньня, трэба адправіць туды падмацаваньне памерам да 5 тыс. салдат і афіцэраў. Аднак пытаньне аб тым, ці адаб’ецца кардынальна такое нарошчваньне сілаў на посьпеху апэрацыі, пакуль застаецца адкрытым для дэбатаў, паведамляе «Голас Амэрыкі».

XS
SM
MD
LG