У той жа час паліцыя дагэтуль не выключае, што Абэдзі быў часткай падпольнай сеткі экстрэмістаў.
У цяперашні час службы бясьпекі спрабуюць адсачыць апошнія перамяшчэньні Абэдзі перад тэрактам. 18 траўня ён вярнуўся ў Брытанію зь Лібіі. Паліцыя вывучае камэры назіраньня і тэлефонныя званкі сьмяротніка.
На мінулым тыдні паліцыя абвясьціла, што да выбуху ў Манчэстэры датычная цэлая тэрарыстычная сетка. Паводле словаў кіраўніка брытанскага МУС Эмбэр Рад, напад быў добра сплянаваны.
Ахвярамі тэракту ў Манчэстэры 22 траўня сталі 22 чалавекі, больш за сто — параненыя. Цяпер паводле падазрэньня ў датычнасьці да тэракту пад вартай знаходзяцца 14 чалавек.