У першым дакладзе Сусьветнай арганізацыі аховы здароўя пра шкоду тытуню адзначаецца і забруджвальныя фактары пры вытворчасьці тытунёвых вырабаў і іх рэалізацыі.
Экалягічны сьлед тытуню — гэта ня толькі дым пры курэньні, але і спальваньне прыроднага паліва, скід ці ўцечка адкідаў вытворчасьці ў навакольнае асяродзьдзе, заявіў намесьнік дырэктара Сусьветнай арганізацыі аховы здароўя Алег Часноў у сувязі з Сусьветным днём барацьбы з курэньнем, які адзначаецца 31 траўня.
Сем мільёнаў чалавек паміраюць штогод у сьвеце ад хвароб, выкліканых курэньнем тытуню.
