Удзельнікі акцыі сталі ў ланцуг адзіночных пікетаў вакол РАУС Арбату і чыталі «Гамлета», «Рамэа і Джульету», а таксама санэты ангельскага паэта і драматурга. Да пачатку акцыі актывісты перадалі ў паліцыю заявы з патрабаваньнем разабрацца ва ўчорашнім інцыдэньце. Учора паведамлялася, што на вуліцы Вазьдвіжанка быў затрыманы дзевяцігадовы хлопчык, які дэклямаваў «Гамлета».
У паліцыі ж сьцьвярджаюць, што дзіцёнак быў адзін і падыходзіў да мінакоў і кіроўцаў машын. Па словах паліцыянтаў, некаторыя сьведкі казалі, што хлопчык жабраваў. Яго даставілі ў аддзел і выклікалі бацькоў. У паліцыю прыехалі адвакаты, а таксама прадстаўнік Грамадзкай рады пры МУС Анатоль Кучар. Адвакаты напісалі скаргі на дзеяньні паліцэйскіх.
У ноч на 27 траўня ўся сямʼя была адпушчаная. На бацьку складзены пратакол аб невыкананьні абавязкаў па выхаваньні непаўнагадовых дзяцей.