Лінкі ўнівэрсальнага доступу

Пасьля самітаў NATO і G7 Мэркель заклікала эўрапейцаў разьлічваць толькі на ўласныя сілы


Ангела Мэркель і Дональд Трамп на саміце G7

Канцлер Нямеччыны Ангела Мэркель (Angela Merkel) па выніках самітаў NATO і G7 заявіла, што эўрапейцы павінны вучыцца больш разьлічваць на ўласныя сілы. «Мы, эўрапейцы, павінны ўзяць уласны лёс у свае рукі. Часы, калі мы маглі цалкам спадзявацца на іншых, прайшлі», — заявіла нямецкі канцлер у нядзелю, 28 траўня, у Мюнхэне, дадаўшы, што да такой высновы падштурхнулі яе падзеі апошніх дзён.

Саміт «вялікай сямёркі», які прайшоў напярэдадні на Сыцыліі, ледзь ня скончыўся правалам з-за канфрантацыйнага курсу новай адміністрацыі ЗША ў шэрагу важных пытаньняў, нагадвае DW. У прыватнасьці, сусьветныя лідэры не змаглі ўзгадніць пазыцыю аб мерах па барацьбе з глябальным пацяпленьнем, а таксама, насуперак чаканьням, не дамовіліся аб канкрэтных мерах па барацьбе з голадам у Афрыцы. На саміце NATO, які папярэднічаў сустрэчы G7, кіраўнік Белага дому ва ўльтыматыўнай форме запатрабаваў ад саюзьнікаў павялічыць выдаткі на абарону.

Ваша меркаваньне

Паказаць камэнтары

XS
SM
MD
LG