У амэрыканскім штаце Місысыпі ў ноч на нядзелю былі застрэленыя восем чалавек, у тым ліку намесьнік мясцовага шэрыфа.
Страляніна адбывалася ў трох розных месцах у гарадах Бог-Чыта і Брукхэйвэн ў акрузе Лінкальн, паведамляе Бі-Бі-Сі.
Падазраваны быў затрыманы і знаходзіцца пад арыштам.
Мясцовая прэса паведамляе, што затрыманы сказаў паліцыі, што шкадуе аб тым, што адбылося і «не заслугоўвае заставацца ў жывых».
Матыў злачынстваў пакуль не ўстаноўлены. Наколькі вядома, у нейкі момант той, хто страляў, узяў у закладнікі 16-гадовага падлетка, але той цяпер жывы і знаходзіцца ў бясьпецы, паведамляе мясцовая газета Daily Leader.
Губэрнатар Місысыпі Філ Браянт назваў тое, што адбылося «бессэнсоўнай трагедыяй».