Брытанская паліцыя абвясьціла, што арыштавала 25-гадовага мужчыну ў нядзелю і правяла ператрус у сувязі з тэрактам у Манчэстэры.
У Олд-Трафард, на ўсход ад Манчэстэру, паліцыянты затрымалі мужчыну па абвінавачваньні ў датычнасьці да тэрарызму. У МУС Вялікабрытаніі заяўляюць, што члены сеткі, у якую ўваходзіў Салман Абэдзі, сьмяротнік, што зьдзейсьніў напад у Манчэстэры, да гэтага часу могуць заставацца на волі.
У выніку тэракту ў Манчэстэры загінулі 22 чалавекі. Паліцыя праводзіць расьсьледаваньне абставінаў тэракту і спрабуе захапіць усю сетку ўдзельнікаў і арганізатараў, зьвязаных і выканаўцам Салманам Абэдзі. У рамках сьледзтва сёньня паліцэскія правялі ператрусы ў раёне Мос-Сідэ ў Манчэстэры.
Усяго пад вартай з падазрэньня ў датычнасьці да тэракту знаходзіцца 12 чалавек.
