Тысячы мэдработнікаў выйшлі на вуліцы Каракаса на гэтым тыдні. Міжнародныя СМІ і інтэрнэт-СМІ паведамілі: людзі скардзяцца на недахоп лекаў і абыякавасьць уладаў.
Вэнэсуэльскае тэлебачаньне патлумачыла грамадзянам: «Праблемы, вядома, ёсьць, але навошта разгойдваць лодку?»
«Гэта ўсё — стратэгія амэрыканцаў, каб апраўдаць уварваньне ў нашу краіну», — паведамляе noticierovenevision.
Паралельныя інфасьветы ў Вэнэсуэле існуюць ужо даўно. У адных СМІ ў дэфіцыце і чэргах вінаватыя «імпэрыялісты», у іншых — прэзыдэнт Нікаляс Мадура. З пачаткам вулічных пратэстаў адрозьненьні ў працы мэдыя яшчэ больш абвастрыліся.
