Зяць і дарадца прэзыдэнта Дональда Трампа Джарэд Кушнэр трапіў у поле зроку ФБР у рамках расьсьледаваньня аб магчымай змове паміж перадвыбарным штабам Трампа і Расеяй, паведамілі газэта Washington Post і канал NBC News.
Гэта не абавязкова азначае, што Кушнэра падазраюць у якім-небудзь злачынстве або што ён зьяўляецца абʼектам больш маштабнага расьсьледаваньня ФБР пра Расею.
ФБР вывучае дадзеныя аб сустрэчах Кушнэра з расейскім паслом Сяргеем Кісьляком і кіраўніком аднаго з расейскіх банкаў, якія адбыліся ў канцы мінулага года, у часе пераходнага пэрыяду, паведамляе Washington Post.