У дзяржаўнай адміністрацыі чыгуначнага транспарту Ўкраіны заявілі, што інфармацыя расейскай газэты «Коммерсантъ» аб спыненьні перавозак з 1 ліпеня не адпавядае рэчаіснасьці. «Укрзализныця» нават не разглядае такую ідэю, падкрэсьлілі ва ўкраінскай кампаніі, адзначыўшы, што квіткі на цягнікі ў Расею ёсьць у продажы.
Раней у чацьвер «Коммерсантъ» паведаміў, што Кіеў плянуе цалкам забараніць чыгуначныя зносіны з Расеяй на падставе таго, што «Российские железные дороги» адмаўляюцца спыніць пасажырскія перавозкі з падкантрольных сэпаратыстам раёнаў Данецкай і Луганскай абласьцей Украіны.
