Увечары ў панядзелак, 22 траўня, на «Манчэстар Арэне» ішоў канцэрт. Па словах відавочцаў, «моцны выбух» прагучаў, як толькі Арыяна Грандэ скончыла выконваць сваю апошнюю песьню і пакінула сцэну.
Людзей на стадыёне ахапіла паніка, людзі крычалі і беглі да выхаду.
На месца здарэньня выехалі паліцыянты аўтамабілі і карэты хуткай дапамогі.
Зачынены чыгуначны вакзал Вікторыя, разьмешчаны побач са стадыёнам. Тэрмінал не прымае і не адпраўляе цягнікоў.
Па апошніх дадзеных, пацьверджаная інфармацыя пра некалькі загінулых, таксама ёсьць параненыя.