Дакумэнт прадугледжвае ўзнагароджаньне да $ 72,5 тысячаў за прадстаўленьне каштоўнай інфармацыі аб замежных рэзыдэнтах, якія займаюцца, альбо вядуць арганізацыю і фінансаваньне шпіёнскай дзейнасьці, уключаючы спакушэньне і подкуп дзяржслужачых.
У дакумэнце адзначаецца, што з паглыбленьнем палітыкі рэформаў і адкрытасьці «замежная разьведка і іншыя варожыя сілы атрымалі больш магчымасьцяў для ўкараненьня і вядзеньня шпіёнскай і падрыўной дзейнасьці». Для барацьбы са шпіёнамі вырашана прыцягнуць шырокія народныя масы, тым самым «выбудаваўшы вялікую жалезную сьцяну» супраць замежнай агентуры.
Данесьці аб шпіёнскай дзейнасьці можна будзе трыма спосабамі: па тэлефоне, па пошце (не электроннай), ці асабіста зьявіўшыся ва Ўпраўленьне дзяржбясьпекі ў Пэкіне. Узнагароджаньне за эфэктыўную наводку будзе выдавацца на працягу 90 дзён.