Як паведамілі Свабодзе ў прэсавай службе прадстаўніцтва ААН, Фонд Говарда Бафэта супрацоўнічае з упраўленьнямі Вярхоўнага камісара па ўсім сьвеце — дапамагае бежанцам найперш у галіне сельскай гаспадаркі, харчаваньня і адукацыйных праграмаў.
Каб бліжэй пазнаёміцца з уцекачамі, у Менску Говард Бафэт наведае Цэнтар дадатковай адукацыі «Эўрыка», які амаль 20 гадоў у шчыльным супрацоўніцтве з ААН дапамагае дзецям-уцекачам і іхнім бацькам.
Таксама дэлегацыя пазнаёміцца з працай Службы кансультаваньня ўцекачоў і сустрэнецца з вымушанымі перасяленцамі, якія цяпер знаходзяцца ў Беларусі.