Так Маккейн пракамэнтаваў сустрэчу Лаўрова з прэзыдэнтам ЗША Дональдам Трампам 10 траўня.
Сэнатар назваў Лаўрова «прапагандыстам» і «марыянэткай» Крамля. Прэзыдэнта Расеі Уладзіміра Пуціна сэнатар назваў «бандытам» і «забойцам», які «бамбіць бальніцы ў Алепа», «урываецца ва Ўкраіну і адбірае Крым».
Афіцыйны прадстаўнік МЗС Марыя Захарава, камэнтуючы заяву Маккейна, заявіла, што ён «ужо даўно не выклікае ніякіх эмоцый, акрамя жалю».
10 траўня ў Вашынгтоне Трамп правёў перамовы з Лаўровым. Па словах Трампа, сустрэча прайшла «вельмі добра». Пазьней стала вядома, што прэзыдэнт падзяліўся з Лаўровым сакрэтнай інфармацыяй аб падрыхтоўцы тэракта. Гэта выклікала крытыку ў Кангрэсе ЗША.