Лінкі ўнівэрсальнага доступу

У Казані асуджаныя паліцыянты, якія да сьмерці зьбілі затрыманага


У Казані прысудзілі да пяці гадоў калёніі строгага рэжыму дваіх паліцыянтаў, якія ў 2014 годзе зьбілі да сьмерці затрыманага.

Былы паліцыянт Наіль Дыяр і дзеючы супрацоўнік паліцыі Дзьмітры Кельмурзін прызнаныя вінаватымі ў наўмысным прычыненьні цяжкай шкоды здароўю, што пацягнула па неасьцярожнасьці сьмерць пацярпелага, у перавышэньні службовых паўнамоцтваў, ужываньні гвалту і спэцыяльных сродкаў.

Паводле выданьня Радыё Свабода «Идель.Реалии», паліцыянты прыехалі да піцэрыі «Арома» з-за распачатай там бойкі. Яны павалілі ўдзельніка бойкі Дзьмітрыя Клейна на зямлю, калі ён ужо быў у кайданках. Пасьля гэтага супрацоўнікі паліцыі зьбілі яго рукамі, нагамі і гумовай дубінкай. Празь некалькі хвілінаў Клейн памёр ад раптоўнага спыненьня сэрца.

Дзяржаўнае абвінавачаньне прасіла для падсудных па 10 гадоў пазбаўленьня волі. Былыя паліцыянты віны не прызналі.

XS
SM
MD
LG