Прэзыдэнт ЗША Дональд Трамп у панядзелак зьдзейсьніць свой першы афіцыйны візыт у Ізраіль. Кіраўнік Белага дому раней заяўляў пра гатоўнасьць стаць пасярэднікам у перамовах аб міры паміж Ізраілем і палестынцамі.
Трамп сустрэнецца з прэмʼер-міністрам Ізраілю Бэньямінам Нэтаньягу і ўскладзе вянок да мэмарыялу ахвярам Галакосту ў Ерусаліме. Трамп таксама стане першым дзейным прэзыдэнтам ЗША, які наведае Сьцяну плачу — галоўную сьвятыню юдаізму. Затым Трамп правядзе сустрэчу з кіраўніком Палестынскай аўтаноміі Махмудам Абасам.
Падчас выбарчай кампаніі Трамп абяцаў разгледзець перанос амбасады ЗША з Тэль-Авіву ў Іерусалім. Заходнія агенцтвы адзначаюць, што такі крок мог бы выклікаць незадаволенасьць палестынцаў і ўрадаў арабскіх краінаў рэгіёну.
Пазьней Трамп адступіў ад гэтага абяцаньня.