Асноўны праціўнік гэтай праграмы — кансэрватыўная Народная партыя — лічыць, што выкананьне гэтага пляну прывядзе да росту тарыфаў на электраэнэргію, а будучыя ветракі і сонечныя панэлі сапсуюць «ідылічныя прыродныя краявіды».
Тым ня менш, паводле апытаньня Інстытута грамадзкай думкі ў Бэрне, 56% швайцарцаў падтрымліваюць новы законапраект, а 37% жыхароў Канфэдэрацыі выступаюць супраць, паведамляе ВВС.
Пры гэтым у лістападзе мінулага году на рэфэрэндуме аб абмежаваньні тэрміну эксплюатацыі атамных электрастанцыяў 45 гадамі, ініцыяваным «зялёнымі», большасьць выбанікаў прагаласавалі «супраць».
Швайцарскія ўлады пачалі падрыхтоўку да закрыцьця АЭС у 2011 годзе пасьля катастрофы ў японскай Фукусіме.
Урад Канфэдэрацыі летась прыняў плян разьвіцьця энэргетыкі да 2050 году, згодна зь якім вырашана не будаваць больш новыя АЭС, а паступова пераходзіць на энэргію ветру, сонца і на біяпаліва. На дадзены момант доля мірнага атаму ў энэргазабесьпячэньні краіны складае прыкладна траціну, найбольшую частку электраэнэргіі выпрацоўваюць гідраэлектрастанцыі.