Улады мэксыканскага гораду-курорту Канкун узялі пад ахову расейца Аляксея Макеева, які патрапіў ў шпіталь пасьля нападу на ягоны дом натоўпу разьюшаных мясцовых жыхароў.
Людзі хацелі расправіцца з Макеевым за тое, што той выкладаў ў інтэрнэт відэаролікі з абразамі на іх адрас. Паводле уладаў, Макееў запісваў на відэа, як ён абражае мінакоў ў грамадзкіх месцах на расейскай, ангельскай і гішпанскай мовах, паведамляе Бі-Бі-Сі.
Паводле інфармацыі ТАСС, расеец пагружаны ў штучную кому, але ягонаму жыцьцю пагрозы няма.
У ноч на пятніцу натоўп сабраўся вакол ягонага дома. Людзі з камянямі і палкамі паспрабавалі ўварвацца ў дом, пагражаючы забіць Макеева. Як паведамляецца, ён нанёс аднаму з нападнікаў удар нажом, ад якога той сканаў.
Мясцовыя ўлады сьцьвярджаюць, што на паводзіны Макеева ўжо неаднаразова паступалі скаргі, і што яны вядуць перамовы з Расеяй аб ягонай дэпартацыі.