На пасаду прэтэндуюць чацьвёра кандыдатаў, сярод якіх дзейны прэзыдэнт Хасан Рухані і прадстаўнік кансэрватыўнага крыла Ірану, былы пракурор Ібрагім Раісі.
Цяпер перад краінай з насельніцтвам каля 81 мільёнаў чалавек, у якой уладу кантралююць прадстаўнікі кансэрватыўнага ісламскага духавенства, узьнікаюць праблемы высокага беспрацоўя. У гэтых умовах Іран спрабуе выкарыстаць эканамічныя магчымасьці, якія дае міжнароднае супрацоўніцтва.
Рухані, які спрыяў заключэньню ядзернага апагадненьня з сусьветнымі дзяржавамі, каб палегчыць міжнародныя санкцыі, паабяцаў узаемадзейнічаць з Захадам і даць іранцам больш свабоды.
56-гадовы Раісі лічыцца даверанай асобай найбольш уплывовай асобы ў Іране, вярхоўнага лідэра аяталы Алі Хаменеі.