Журналіст Віталь Портнікаў адрэагаваў у сваім фэйсбуку на хвалю публікацыяў у сувязі з блякаваньнем расейскіх сацыяльных сетак.
«Гісторыя з блякаваньнем расейскіх сацыяльных сетак прэзыдэнцкім указам чарговы раз прадэманстравала, якая колькасць «карысных ідыётаў» нас акружае.
Я не дзіўлюся гэтым «карысным ідыётам» на Захадзе — яны думаюць, што ім нічога не пагражае. Я не дзіўлюся гэтым «карысным ідыётам» у Расеі — зь імі ўсё ўжо адбылося. Але ідыёты ў акупаванай краіне, якая ваюе, — гэта нешта па-за межамі.
Зрэшты, ня маю найменшых сумневаў, што калі б Пуцін узяў Кіеў, бальшыня гэтых «карысных ідыётаў» раптам аказалася б нястомнымі будаўнікамі «новай Украіны».
Яны працягвалі б посьціць фоткі Межыгор’я ў ВК, браць гранты на барацьбу з карупцыяй Вадзіка Калесьнічэнкі і наведваць нас у турэмных камэрах.
Найхітрэйшыя зь іх перабраліся б на Захад і там працягнулі б барацьбу з украінскімі радыкаламі, якія спрабуюць навязаць бедным суграмадзянам украінскую мову гвалтам. Адзін такі і сёньня атрымлівае асалоду ад гэтай барацьбы ў Галяндыі, пад захопленае цюгаканьне карыстальнікаў «Одноклассников».
Рэч зусім ня ў тым, што гэтыя людзі — «карысныя ідыёты». Рэч у тым, што яны — прафэсійныя здраднікі».
