Лінкі ўнівэрсальнага доступу

Украінскія мэдыі публікуюць імя афіцэра ФСБ, які, як мяркуецца, вэрбуе беларусаў на Данбас


Вэрбуе беларусаў для адпраўкі на вайну на Данбасе былы афіцэр РФ Мікалай Шэлехаў. Пра гэта паведамляе Gazeta.ua са спасылкай на групу «Інфармацыйны супраціў»:

Паводле наяўнай інфармацыі, агент расейскіх спэцслужбаў шантажуе «добраахвотнікаў» тым, што яны парушылі законы Беларусі, «і праз запалохваньне прыцягненьнем да крымінальнай адказнасьці прымушае іх да супрацы з ФСБ РФ і выкананьня супрацьзаконных дзеяньняў на тэрыторыі Рэспублікі Беларусі».

Шэлехаў у 2014 годзе зь першых дзён вайны на Данбасе браў актыўны ўдзел у баявых дзеяньнях у складзе так званага асобнага выведнага батальёну «Спарта» (ДНР). Удзельнічаў у захопе Данецкага аэрапорту. У жніўні 2015 пад Горлаўкай быў цяжка паранены і вярнуўся ў Беларусь.

Як паведамляецца, Шэлехаў супрацоўнічае з прадстаўнікамі грамадзкай арганізацыі «Беларускі саюз вэтэранаў вайны ў Афганістане», удзельнічае ў дзейнасьці арганізацыі «Саюз дэсантнікаў Магілёўскай вобласьці», праводзіць трэнінгі па нэўралінгвістычным праграмаваньні і прамоўніцкім майстэрстве. Зьяўляецца актыўным удзельнікам ультраправай арганізацыі «Рускае нацыянальнае адзінства», якая вызнае ідэі фашызму і нацыяналізму.

Раней лейтэнант гарадзенскай міліцыі Міхаіл Куцко заяўляў аб магчымым канале пастаўкі беларускіх салдатаў у самаабвешчаную ДНР.

Ваша меркаваньне

Паказаць камэнтары

XS
SM
MD
LG