Як паведамляе ВВС са спасылкай на інтэрвію караля газэце De Telegraaf, два разы на месяц ён інкогніта працаваў другім пілётам на пасажырскіх рэйсах авіякампаніі KLM Cityhopper, даччынай кампаніі KLM. Яе паслугамі карыстаюцца, як правіла, дзелавыя людзі пры палётах у Брытанію, Нямеччыну, Нарвэгію ды іншыя краіны Эўропы. Цяпер 50-гадовы Вілем Аляксандар вучыцца кіраваць лайнэрам Boeing 737S.
Раней было вядома толькі, што манарх рэгулярна садзіўся за штурвал сярэднемагістральнага Fokker 70 у якасьці «гасьцявога пілёта», каб захаваць ліцэнзію лётчыка.