Лінкі ўнівэрсальнага доступу

12 краінаў пацьвердзілі факты глябальнай кібэратакі


МУС Расеі прызнаў, што ахвярамі віруса сталі тысячы заражаных кампутараў.

Глябальную атаку зафіксавалі 12 траўня. Паводле дадзеных Fox News, ва ўсіх выпадках выкарыстоўвалася праграма-вымагальнік, якая прапаноўвала за выкуп у біткойнах расшыфраваць закадаваныя ёю ж дадзеныя.

МУС Расеі прызнаў факт віруснай атакі на пэрсанальныя кампутары ведамства. Як гаворыцца ў афіцыйным паведамленьні, блякаваныя каля тысячы кампутараў. Сэрвэрныя рэсурсы не пацярпелі.

У Брытаніі ад вірусу-вымагальніка пацярпелі дзяржаўныя шпіталі і іншыя мэдычныя ўстановы. Некаторыя клінікі і амбуляторыі былі вымушаныя адмовіцца ад прыёму хворых.

У Гішпаніі была парушаная праца некалькіх буйных кампаній, у тым ліку карпарацыі сувязі Telefonica.

Паводле інфармацыі шэрагу амэрыканскіх агенцтваў, вірус-вымагальнік можа быць праграмным інструмэнтам, які выкрала з сеткі Агенцтва па нацыянальнай бясьпецы ЗША хакерская група Shadow Brokers у выніку ўзлому сайта АНБ у жніўні 2016 году.

Ваша меркаваньне

Паказаць камэнтары

XS
SM
MD
LG