Расейскі зьнішчальнік Су-30 быў узьняты ў паветра для «прывітаньня» самалёта ВМС ЗША P-8A Poseidon у аўторак у міжнароднай паветранай прасторы паблізу расейскай мяжы, заявіла Міністэрства абароны РФ.
Расейскі пілёт наблізіўся да амэрыканскага самалёта-выведніка «на бясьпечную адлегласьць», каб вызначыць тып самалёта, пасьля чаго P-8A Poseidon зьмяніў маршрут, а Су-30 вярнуўся на базу, гаворыцца ў паведамленьні расейскага Мінабароны.
У мінулым месяцы амэрыканскія вайскоўцы перахапілі два расейскія бамбавікі ў міжнароднай паветранай прасторы паблізу Аляскі. Тады ВМС ЗША таксама назвалі дзеяньні пілётаў «бясьпечнымі і прафэсійнымі».
