Як паведамляе Radio France Internationale, зьвестку пра тое, што вырашальны наступ пачнецца «верагодна, у пачатку чэрвеня», паведаміла 12 траўня Рожда Фэлат, якая камандуе войскамі «Дэмакратычных сілаў Сірыі» — альянсу сырыйскай апазыцыі, які складаецца галоўным чынам з курдаў.
Заява была зроблена неўзабаве пасьля таго, як «Дэмакратычныя сілы Сырыі» адбілі ў «ісламскай дзяржавы» стратэгічна важны горад Табка, які знаходзіцца за 55 кілямэтраў на паўднёвы-захад ад Эр-Ракі.
Узброеныя фармаваньні «Дэмакратычных сілаў Сырыі» ваююць пры падтрымцы заходняй антытэрарыстычнай кааліцыі, якую ўзначальваюць ЗША. Кааліцыя, у якую ўваходзяць каля 70 дзяржаваў і міжнародных арганізацый, была створана ў Парыжы 15 верасьня 2014 году.
