Лінкі ўнівэрсальнага доступу

ЗША вырашылі забясьпечваць зброяй курдзкіх ваяўнікоў у Сырыі


Прэзыдэнт ЗША Дональд Трамп ухваліў пляны наўпроставай даставы ўзбраеньня курдам, якія ваююць у Сырыі супраць «Ісламскай дзяржавы». Пра гэта афіцыйна абʼяўлена ў Вашынгтоне.

Такім чынам, як піша ў аўторак The Wall Street Journal, адкрываюцца магчымасьці наступу на джыгадыстаў, замацаваных у горадзе Рака, іх фактычнай сталіцы. Разам з тым рашэньне Белага дому ня можа станоўча ўспрыняць хаўрусная Турцыя, якая разглядае курдзкіх паўстанцаў як тэрарыстаў.

Пытаньне даставы зброі курдам абмяркоўвалася некалькі месяцаў. Курдзкая арганізацыя ў Сырыі, вядомая як «аддзелы народнай самаабароны», успрымаецца амэрыканскімі вайскоўцамі як найбольш надзейны ваенны саюзьнік ЗША на тэрыторыі Сырыі, паведамляе The Wall Street Journal.

XS
SM
MD
LG