Прэс-сакратар Белага дому Шон Спайсэр сказаў, што Трамп «перагаварыў з абраным прэзыдэнтам Францыі, каб павіншаваць яго зь перамогай».
Тым часам Ляранс Аім, прэс-сакратарка новаабранага прэзыдэнта Францыі, паведаміла, што Макрон у размове з Трампам адзначыў, што будзе абараняць пагадненьне аб зьмяненьні клімату, узгодненае ў Парыжы ў 2015 годзе. Дональд Трамп павінен у бліжэйшы час прыняць рашэньне аб тым, будуць ці ня будуць ЗША выконваць гэтае пагадненьне, падпісанае адміністрацыяй Барака Абамы.
Прэзыдэнт ЗША Дональд Трамп таксама прыняў у Белым доме прэм’ер-міністра Грузіі Георгія Квірыкашвілі. Фатаграфію сустрэчы распаўсюдзіла прэс-служба амэрыканскай адміністрацыі.
