Лінкі ўнівэрсальнага доступу

Цана нафты абвалілася да леташняга ўзроўню


У чацьвер цана нафты ўпала амаль на 5 працэнтаў да ўзроўню лістапада мінулага году, які папярэднічаў пагадненьню краінаў OPEC аб скарачэньні аб’ёмаў здабычы.

Цана барэлю нафты маркі Brent панізілася да 48 даляраў і 38 цэнтаў. Цана нафты, што здабываецца ў ЗША — да 45 даляраў 48 цэнтаў.

Сярод прычынаў адкату цэнаў аналітыкі называюць прагрэс на мірных перамовах паміж узброенымі групоўкамі ў Лібіі, што варагуюць (іхныя сутыкненьні нярэдка вялі да спыненьня працы найбуйнейшых нафтапромыслаў). Лібія выключаная з квотаў OPEC і ў выпадку ўсталяваньня міру ў краіне зможа вырабляць каля паўтара мільёна барэляў за дзень. Нігерыя таксама спадзяецца закончыць з палітычнай нестабільнасьцю, якая рэзка ўскладняла павелічэньне аб’ёмаў здабычы.

Адной з галоўных прычын зьяўляецца павышэньне здабычы нафты ў Злучаных Штатах. Апошнія дадзеныя Міністэрства энэргетыкі ЗША сьведчаць, што ўзровень здабычы нафты ў краіне вырас, а запасы панізіліся на велічыню, меншую за прагназаваную. Усё гэта паказвае на тое, што дамоўленасьць OPEC аб скарачэньні здабычы малаэфэктыўная.

Ваша меркаваньне

Паказаць камэнтары

XS
SM
MD
LG