Лінкі ўнівэрсальнага доступу

За аблітага фарбай Леніна далі год папраўчых работ


Бюст Леніна, ілюстрацыйнае фота

Жыхар мястэчка Малеч Бярозаўскага раёну Віталь Шылінец быў пакараны судзьдзёй Натальляй Вакульчык годам папраўчых работ і адлічэньнем 15% з заробку за абліты фарбай бюст Леніна, перадае Радыё Рацыя.

Шылінец не прызнае сваёй віны і мае намер абскардзіць прысуд, бо лічыць Уладзіміра Леніна злачынцам, помнікі якому не павінны стаяць на беларускіх плошчах:

«Ленін разагнаў заканадаўчы канстытуцыйны орган — Устаноўчы сход. Бальшавікі расстралялі мірную дэманстрацыю, нязгодную з гэтым разгонам, што прывяло да грамадзянскай вайны і да мільёнаў ахвяраў... Не было такога чалавека, хто б сказаў, што я зрабіў нешта ня так. Многія выказвалі салідарнасьць са мной», — расказвае Рацыі Шылінец.

Бюст, устаноўлены каля 1980 году, нідзе не стаіць на балянсе; раней яго ніхто не чапаў.

Ваша меркаваньне

Паказаць камэнтары

XS
SM
MD
LG