Лінкі ўнівэрсальнага доступу

Падзеі 3 траўня ў беларускай і сусьветнай гісторыі, а таксама афіша на сёньня.

Афіша

Беларуская інтэлектуальная гульня

Беларуская інтэлектуальная гульня складаецца з 9 тураў. Кожны тур мае сваю тэму. Напрыклад, «Беларускі бізнэс», «Мастацтва», «Гісторыя», «Кухня», «Горад» і г.д.

Менск, рэстаран «Журавінка» (вул. Янкі Купалы, 25). Пачатак а 19-й гадзіне. Кошт удзелу: 6 рублёў. Зарэгістраваць каманду можна тут.

Дата дня

3 траўня ва ўсім сьвеце адзначаецца Дзень свабоды друку. Штогод у гэты дзень публікуюцца звароты Генэральнага сакратара ААН. У заяве ад 2006 году, напрыклад, адзначалася, што мэдыя не павінныя быць інструмэнтам дэградацыі і прапаганды нянавісьці.

Таксама ў гэты дзень

1791 — Сойм Рэчы Паспалітай зацьвердзіў першую ў Эўропе Канстытуцыю.

1947 — была прынятая Канстытуцыя Японіі.

1952 — амэрыканцы Джозэф Флетчар і Ўільям Бэнэдыкт зрабілі пасадку на геаграфічным паўночным полюсе.

У гэты дзень нарадзіліся

1620 — Багуслаў Радзівіл, вайсковы і дзяржаўны дзеяч Вялікага Княства Літоўскага, мэцэнат.

1877 — Антон Грыневіч, зьбіральнік беларускага музычнага фальклёру, выдавец. Загінуў у ГУЛагу.

1882 — Уладзіслаў Галубок, беларускі драматург, актор і рэжысёр, заснавальнік беларускага савецкага тэатру. Загінуў у ГУЛагу.

1953 — Франц Сіўко, беларускі празаік, публіцыст. Ягоны артыкул у «ЛіМе» ў 1986 годзе «Прашу вызваліць...» пра вывучэньне беларускай мовы ў школах выклікаў дыскусію і зварот дзеячоў культуры да Генэральнага сакратара ЦК КПСС Міхаіла Гарбачова.

XS
SM
MD
LG