У дакумэнце, сярод іншага, ад уладаў Беларусі патрабуюць «неадкладна спыніць рэпрэсіі супраць грамадзянскіх актывістаў у выглядзе незаконных арыштаў, судовага перасьледу, звальненьня з працы па палітычных матывах, выключэньня студэнтаў з навучальных устаноў».
«Рэзалюцыю па Беларусі ініцыявалі нашы сябры з моладзевага Дэмакратычнага альянсу Ўкраіны», — сказаў Свабодзе міжнародны сакратар «Маладых дэмакратаў», моладзевага крыла Аб’яднанай грамадзянскай партыі Аляксей Кірыенка:
«Мы далучыліся да супольнасьці эўрапейскай моладзі толькі ў лютым 2017 году. Як і любы навічок, пакуль маем статус назіральніка. І гэта фармальна не дазваляе нам самастойна выносіць на разгляд кангрэсу свае прапановы. Таму мы вельмі ўдзячныя нашым украінскім сябрам за дапамогу ў пабудове дэмакратычнай Беларусі».
