Лінкі ўнівэрсальнага доступу

Дзярждэпартамэнт ЗША папярэдзіў пра пагрозу тэрактаў у Эўропе


Дзяржаўны дэпартамэнт ЗША распаўсюдзіў паведамленьне, у якім папярэдзіў амэрыканскіх грамадзян пра пагрозу тэрактаў у Эўропе.

У дакумэнце ад 1 траўня Дзярждэпартамэнт указвае на нядаўнія атакі ў Францыі, Расеі, Швэцыі і Злучаным Каралеўстве і заўважае, што групоўка «Ісламская дзяржава» і «Аль-Каіда» «маюць магчымасьць плянаваць і ажыцьцяўляць тэрарыстычныя атакі ў Эўропе».

У ведамстве адзначылі, што магчымымі аб’ектамі нападаў зьяўляюцца гандлёвыя цэнтры, урадавыя ўстановы, гатэлі, клюбы, рэстараны, рэлігійныя месцы, паркі, аэрапорты і гэтак далей.

Дзеяньне папярэдняга папярэджаньня ЗША адносна паездак у Эўропу перад зімовымі канікуламі скончылася ў лютым. Прадстаўнік Дзярждэпартамэнту заявіў, што цяперашняе папярэджаньне ня выкліканае канкрэтнай пагрозай, а хутчэй акцэнтуе ўвагу на пастаяннай рызыцы нападаў, асабліва перад летнімі вакацыямі. Дзеяньне папярэджаньня — да 1 верасьня.

Ваша меркаваньне

Паказаць камэнтары

XS
SM
MD
LG