Першы набор на спэцыяльнасьць «беларуская мова» пройдзе летам у Цяньцзіньскім унівэрсытэце замежных моў.
Пра гэта паведамілі БелТА ў амбасадзе Беларусі ў КНР.
Гэта ўжо другая вышэйшая навучальная ўстанова ў Кітаі, у якой выкладаецца такая спэцыяльнасьць. Беларускую мову ўжо вучаць у Другім пэкінскім унівэрсытэце замежных моў.
Гэтае пытаньне сярод іншых абмеркавана падчас сустрэчы амбасадара Беларусі ў КНР Кірыла Рудага з рэктарам Цяньцзіньскага ўнівэрсытэта Сюй Ганам.
