Расейскі выведны карабель «Ліман» у чацьвер за 40 кілямэтраў на паўночны захад ад пратокі Басфор атрымаў прабоіну ў выніку сутыкненьня з іншым суднам і пацярпеў катастрофу. Пра гэта паведамілі ў Міністэрстве абароны Расеі.
Паводле міністэрства, экіпаж карабля спрабуе уратаваць яго. Агенцтва Associated Press паведамляе, што 15 чалавек з карабля прапалі без вестак.
Інцыдэнт адбыўся ў чацьвер у 11:53 у паўднёва-заходняй частцы Чорнага мора. «Ліман» сутыкнуўся з суднам «Ашот-7», якое перавозіла жывёлу і ішло пад сьцягам афрыканскай дзяржавы Тога.