Лінкі ўнівэрсальнага доступу

Журналістаў Таджыкістану абавязалі называць прэзыдэнта «Заснавальнікам міру і нацыянальнага адзінства — Лідэрам нацыі». Скарачаць нельга


Журналісты Таджыкістану павінны пры згадваньні прэзыдэнта краіны Эмамалі Рахмона перад яго імем цалкам падаваць тытул, прысвоены лідэру дзяржавы спэцыяльным законам «Аб заснавальніку міру і нацыянальнага адзінства — лідэры нацыі», паведамляе таджыцкая служба Радыё Свабода.

Паводле аднаго з журналістаў таджыцкага дзяржаўнага выданьня, новыя правілы ўступілі ў сілу на мінулым тыдні. Калі раней можна было скараціць тытул да «Пешвои миллат» ( «Лідэр нацыі»), то цяпер трэба пісаць поўны тытул.

Дырэктар дзяржаўнага радыё Таджыкістану Фарух Зіёеў пацьвердзіў, што згадка тытулу Эмамалі Рахмона «Заснавальнік міру і нацыянальнага адзінства — Лідэр нацыі» у афіцыйных паведамленьнях зьяўляецца абавязковай, бо гэтага патрабуе закон.

«Аднак бываюць выпадкі, калі журналісты могуць выкарыстоўваць сынонімы — „Кіраўнік дзяржавы“ ці проста „Лідэр нацыі“. А ў афіцыйных паведамленьнях неабходна ўказваць цалкам усе тытулы. Ад журналістаў патрабуецца толькі выкананьне норм закону, ня больш», — сказаў ён.

Пры гэтым пакараньне за скарачэньне тытулу ў крымінальным кодэксе краіны не прадугледжана, кажа юрыст Шакірджон Хакімаў. Ёсьць толькі артыкул, паводле якога караецца зьнявага ўладальніка тытулу.

Помнік кнізе прэзыдэнта Рахмона
Помнік кнізе прэзыдэнта Рахмона

Закон «Аб Лідэры нацыі» дэпутаты аднагалосна прынялі ў кастрычніку 2016 году. Адначасова яны прысвоілі прэзыдэнту Эмамалі Рахмону статус заснавальніка незалежнага Таджыкістану, Лідэра Нацыі а таксама статус «заснавальніка міру і адзінства»

Эмамалі Рахмон — не адзіны носьбіт спэцыяльных тытулаў ў рэгіёне. Да кіраўніку Казахстану Нурсултана Назарбаева прынята зьвяртацца «Елбасы» (Лідэр нацыі), да прэзыдэнта Туркмэністану Гурбангулы Бэрдымухамэдава — «Аркадаг» ( «кіраўнік, апора, надзея туркмэнаў»), а да імя нябожчыка лідэра Узбэкістану Іслама Карымава дадавалі «атаміз» («Наш бацька»).

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG