Назіральнікі спэцыяльнай маніторынгавай місіі АБСЭ ў Данбасе за апошнія два гады каля 200 разоў падвяргаліся небясьпецы.
Пра гэта заявіў намесьнік кіраўніка місіі Аляксандар Хуг. Ён адзначыў, што гаворка ідзе пра страляніну ў кірунку альбо паблізу назіральнікаў, пагрозах, а таксама выпадках пашкоджаньні тэхнічных сродкаў місіі, у тым ліку беспілётнікаў, камэр і аўтамабіляў. Ад якога з бакоў канфлікту ў Данбасе зыходзяць пагрозы, Хуг не ўдакладніў.
Напярэдадні на непадкантрольнай Кіеву тэрыторыі ў Луганскай вобласьці Украіны аўтамабіль АБСЭ падарваўся на міне. Адзін назіральнік загінуў, яшчэ двое былі параненыя. ЗША і Эўразвяз заклікалі расьсьледаваць тое, што адбылося.
Служба бясьпекі Ўкраіны распачала крымінальную справу па артыкуле «тэракт». У самаабвешчанай «Данецкай народнай рэспубліцы» абвінавацілі ў гібелі супрацоўніка АБСЭ ўрадавыя войскі.
З заўтрашняга дня назіральнікі плянуюць часткова аднавіць патруляваньне ў зоне ўзброенага канфлікту на ўсходзе Ўкраіны.
