Касьмічны грузавік павінен заправіць кітайскую касьмічную станцыю палівам. Ён таксама даставіць на арбіту больш за шэсьць тон грузаў.
Касьмічная праграма Кітая была запушчана яшчэ ў 1956 годзе. У 1970 годзе Кітай запусьціў уласны штучны спадарожнік. Першай пілятаванай арбітальнай станцыяй Кітаю стаў «Цяньгун-1», запушчаны ў 2011 годзе. Касьмічная лябараторыя «Цяньгун-2» выйшла на арбіту летась у верасьні. Менавіта зь ёй састыкоўваецца першы кітайскі касьмічны грузавік.
У 2018 годзе будзе запушчаны асноўны модуль кітайскай касьмічнай станцыі. У 2022 году, як чакаецца, пачнецца паўнавартасная праца станцыі.
