Зьмітра Кавалгіна сустракаюць з Акрэсьціна, 30 сакавіка 2017 году
У судзе Маскоўскага раёну Менску 19 красавіка маюць судзіць намесьніка старшыні Менскай гарадзкой арганізацыі Аб’яднанай грамадзянскай партыі Дзьмітрыя Кавалгіна і прэс-сакратарку АГП Ганну Красуліну. Іх абвінавачваюць ва «ўдзеле ў несанкцыянаваным мерапрыемстве»: сустрэчы Кавалгіна з арышту пад менскай турмой на Акрэсьціна 30 сакавіка.
Красуліна і Кавалгін кажуць Свабодзе, што нейкага мерапрыемства яны не чынілі.
«Калі мяне выпускалі, мне не далі падпісаць ніякіх дакумэнтаў, — згадвае Кавалгін. — Я ўбачыў пашкоджаны тэлефон, хацеў зафіксаваць гэта: трэснуў экран, пагнулі корпус. Не далі нідзе гэта пазначыць. А калі выйшаў, вырашыў праверыць на цэласнасьць сьцяг. Мы яго ўзялі і разгарнулі, пашкоджаньняў не пабачылі, вось і ўсё».
«Так, разгарнула, — кажа Красуліна пра сьцяг. — Мяне гэты сьцяг цешыць, прыносіць радасьць. У чым праблема? Забаронена? Пакажыце дакумэнт, дзе гэта прапісана».
Да Акрэсьціна прынесьлі сьцяг, які не разгарнулі на Дзень Волі. ФОТА
1/7
Актывісты якія сустракалі арыштаваных, прынесьлі да сьценаў турмы вялікі бел-чырвона-белы сьцяг, які не пасьпелі разгарнуць 25 сакавіка.
