Лінкі ўнівэрсальнага доступу

У ЗША ўдзельнікі пратэстаў патрабавалі ад прэзыдэнта Трампа раскрыць зьвесткі аб падатках


Дональд Трамп

Дзясяткі тысяч амэрыканцаў удзельнічалі ў вулічных дэманстрацыях у 150 гарадах краіны — з патрабаваньнем апублікаваць падатковую справаздачнасьць прэзыдэнта ЗША Дональда Трампа.

У каліфарнійскім горадзе Бэрклі адбыліся сутыкненьні паміж праціўнікамі і прыхільнікамі прэзыдэнта Трампа. Некалькі дэманстрантаў пацярпелі. Паліцыя затрымала больш за 20 чалавек.

Кіраўнік Белага дома дагэтуль адмаўляецца абнародаваць свае падатковыя дэклярацыі. Традыцыйна прэзыдэнты і кандыдаты ў прэзыдэнты ЗША добраахвотна абнародуюць адпаведныя дакумэнты.

Грамадзянскія акцыі супалі па часе з апошнім тэрмінам падачы падатковых дэклярацый — ва ўсіх штатах ЗША гэты тэрмін мінуў 15 красавіка.

Апанэнты Трампа і частка яго прыхільнікаў пачалі патрабаваць раскрыцьця яго падатковых дэклярацый яшчэ да абраньня на пост прэзыдэнта.

XS
SM
MD
LG