Лінкі ўнівэрсальнага доступу

У Бабруйску мітынг за правы і свабоды грамадзян. УЖЫВУЮ

Бабруйскі гарвыканкам дазволіў правесьці 9 красавіка мітынг за правы і свабоды грамадзян.


Коратка

Бабруйскі гарвыканкам дазволіў правесьці 9 красавіка мітынг за правы і свабоды грамадзян на вуліцы Ўрыцкага перад уваходам на стадыён фабрыкі «Славянка». Заяўку падавала кіраўніца суполкі прафсаюзу РЭП Галіна Сьмірнова.

14:06 9.4.2017
Рыгор Грык на мітынгу ў Бабруйску
Рыгор Грык на мітынгу ў Бабруйску

13:12 9.4.2017

У Бабруйску патрабуюць дазволу зьбірацца на плошчы Перамогі

Удзельнікі мітынгу патрабуюць зацьвердзіць пастаянным месцам правядзеньня мітынгаў плошчу Перамогі.

«Тое месца, куды нас адпраўляюць цяпер, — нязручае, знаходзіцца далёка ад цэнтру. Мы абураныя тым, што ўлада баяцца, каб незадаволеныя выходзілі ў цэнтар», — сказала падчас мітынгу прафсаюзная актывістка Галіна Сьмірнова.

Цяпер такім месцам для правядзеньня мітынгу зацьвержана пляцоўка на вуліцы Ўрыцкага перад уваходам на стадыён фабрыкі «Славянка».

12:50 9.4.2017

Прадстаўнік уладаў: Мы прапануем заробкі ад 250 да 450 рублёў

Намесьнік старшыні бабруйскага гарвыканкаму Аляксандар Маркачоў, які прысутнічае на мітынгу, сказаў, што ўлады маюць намер дапамагаць беспрацоўным знайсьці працу: «Сытуацыя зь беспрацоўем напружананая. Праводзіцца сыстэмная праца. Ёсьць прыёмныя дні, прыходзьце. Працуем нават у выходныя. Мы маем намер дапамагчы знайсьці працу. А актывісты зь Менску, у прыватнасьці Губарэвіч і Рымашэўскі, нам не дапамогуць вырашыць праблему зь беспрацоўем».

На пытаньне пра заробкі Аляксандар Маркачоў адказаў: ад 250 да 450 рублёў. «Немагчыма, каб усе атрымлівалі 500 даляраў. Заробкі розныя, у залежнасьці ад працы. Я свой заробак не хаваю — зарабляю 1000 рублёў».

12:38 9.4.2017

Мікалай Казлоў: Улады прымушаюць нас працаваць за ежу

На мітынгу ў Бабруйску выступіў намесьнік старшыні АГП Мікалай Казлоў:

«20 гадоў нас вялі па незвычайным шляху. Замест працоўных месцаў нам прапаноўвалі Дажынкі і лядовыя палацы. Цяпер мы дажыліся да дэкрэту № 3, які сьцьвярджае, што мы не грамадзяне, а халопы. Мы ператвараемся ў халопаў, якія вымушаныя працаваць за ежу. Бо тых заробкаў, якія нам прапаноўваюць, ледзь хапае на тое, каб пракарміцца. Мы павінны казаць, што мы не задаволеныя».

Загрузіць яшчэ

Ваша меркаваньне

Паказаць камэнтары

XS
SM
MD
LG