Лінкі ўнівэрсальнага доступу

У Пінску за акцыю 26 сакавіка агулам асуджаныя 11 чалавек


У Пінску агучаныя чарговыя прысуды ўдзельнікам несанкцыянаванай акцыі, якая адбылася ў горадзе 26 сакавіка.

7 красавіка вінаватымі ў парушэньні Адміністрацыйнага кодэксу прызнаныя Мікалай Міхалевіч і Ніна Новак. Жанчыну суд аштрафаваў на 10 базавых велічынь якраз у дзень вызваленьня яе сына — актывіста Ігара Шаршуна, якога асудзілі на 15 сутак арышту яшчэ 24 сакавіка.

Іншага ўдзельніка маршу Ігара Петрушкевіча судзілі, як і напярэдадні, адразу за два парушэньні — непадпарадкаваньне міліцыянтам і ўдзел у несанкцыянаваным мерапрыемстве.

Вырак Петрушкевічу — штраф у памеры 10 базавых велічынь і адміністрацыйны арышт на пяць сутак.

Такім чынам, у Пінску за апошнія тры дні агулам асуджаныя 11 чалавек. Усе — за акцыю 26 сакавіка.

Ваша меркаваньне

Паказаць камэнтары

XS
SM
MD
LG