Лінкі ўнівэрсальнага доступу

У БМЗ «увальюць» яшчэ 15,9 млн даляраў


Беларускі мэталюргічны завод, ілюстрацыйнае фота

Згодна з указам Аляксандра Лукашэнкі (PDF), Беларускі мэталюргічны завод атрымае з рэспубліканскага інавацыйнага фонду ледзь ня 30 млн беларускіх рублёў (каля 15,9 млн даляраў) у статутны фонд на «кампэнсацыю выдаткаў», зьвязаных з інвэстыцыйным праектам вытворчасьці дроту.

Грошы, што «ўвальюць» у БМЗ, называюцца «рэштай сродкаў», што засталася ў фондзе на пачатак 2017 году.

Летась БМЗ ужо атрымаў згодна з указам Лукашэнкі (PDF) 240,5 млн даляраў дзяржаўнай падтрымкі, каб разьлічыцца па крэдытах.

Пры гэтым БМЗ застаецца адным з самых стратных дзяржаўных прадпрыемстваў: за 2015 год чыстыя страты былі большымі за 150 млн даляраў; за першы квартал 2016 году БМЗ панёс чыстыя страты на больш як 100 млн даляраў, за другі (апошнія на сёньня зьвесткі) — толькі 8 тысяч даляраў прыбытку.

Эўразьвяз тым часам увёў мыты на імпарт арматуры для бэтону зь Беларусі, каб процістаяць «занадта нізкім цэнам» па выніках антыдэмпінгавага расьсьледаваньня. Урад Беларусі ў адказ палепшыў для БМЗ умовы крэдытаваньня.

Цяпер праблемы для БМЗ могуць пачацца на амэрыканскім рынку: тамтэйшыя мэталюргі падалі позву аб антыдэмпінгавым расьсьледаваньні супраць пастаўшчыкоў з шэрагу краінаў, у тым ліку Беларусі.

БМЗ — 4-е па колькасьці работнікаў прадпрыемства Беларусі. У адрозьненьне ад іншых прамысловых гігантаў, МТЗ, МАЗ ці «Нафтан», яно амаль не скарачала колькасьць супрацоўнікаў за апошні час.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG