Лінкі ўнівэрсальнага доступу

У Вашынгтоне на канфэрэнцыі аб Беларусі абмеркавалі мэтазгоднасьць санкцыяў супраць Лукашэнкі


/textarea><span id="ctl00_ctl00_ctl00_cphContent_cphContent_cphCMSContent_txtArticleGraphicCaptionCtrl_internalTextBoxCounter" class="charCounter">Characters used 0 and left for text 128</span></div> </div></div><!-- /.form-item --> <!-- Main Image/Video Description --> <div id="ctl00_ctl00_ctl00_cphContent_cphContent_cphCMSContent_taArticleGraphicDescriptionHolder" class="editItem form-item w100p"><span class="label-block"><label for="taArticleGraphicDescription">Graphic Description <span class="qmark"><img data-tooltiptext="Text does not appear on website, for information only." onmouseover="renderTooltip(null, $(this))" onmouseout="hideddrivetip()" class="qmark" src="../../img/qmark.gif" alt="?" /></span></label></span><div class="control-block"> <textarea name="ctl00$ctl00$ctl00$cphContent$cphContent$cphCMSContent$taArticleGraphicDescription" rows="2" cols="20" id="taArticleGraphicDescription" class="form-input-textarea w100p no-height rtl lclzField t_main-image-desc">

4 красавіка ў офісе Нямецкага фонду Маршала прайшла канфэрэнцыя, прымеркаваная да 25-годзьдзя ўсталяваньня дыпляматычных дачыненьняў паміж ЗША і Беларусьсю.

Першая канфэрэнцыя па Беларусі ў Вашынгтоне
Першая канфэрэнцыя па Беларусі ў Вашынгтоне

Перш плянавалася, што ў канфэрэнцыі возьмуць удзел прадстаўнікі Дзяржаўнага дэпартамэнту ЗША, а таксама дыпляматычнага прадстаўніцтва Беларусі ў ЗША, аднак пасьля падзеяў 25–26 сакавіка фармат быў зьменены. Асноўнай тэмай сталі магчымая рэакцыя і крокі ЗША ў дачыненьні да ўладаў Беларусі на фоне рэпрэсіяў апошніх тыдняў.

Напачатку быў прадстаўлены даклад пра тое, як мяняліся дыпляматычныя адносіны паміж ЗША і Беларусьсю. Аўтары вызначаюць некалькі этапаў у стасунках: пачатны рост (1991–1994), спад (1994–1996), глыбокі крызіс (1996–2008), спробу нармалізацыі (2008–2010 гады), новы крызіс (2010–2014 гады) і яшчэ адну спробу нармалізацыі (пасьля 2014).

«Гэтыя ваганьні абумоўленыя як унутранымі падзеямі ў Беларусі, так і няпростай пазыцыяй, якую займала краіна паміж Усходам і Захадам», — сьцьвярджаюць экспэрты Беларускага інстытуту Амэрыкі.

Скот Роўланд
Скот Роўланд

У дыскусійных панэлях канфэрэнцыі бралі ўдзел дырэктар Фонду для дэмакратыі ў Беларусі Нямецкага фонду Маршала Ёрг Форбрыг, навуковы супрацоўнік Нямецкага фонду Маршала Джонатан Кац, амбасадар ЗША ў Беларусі ў 1994–1997 гг. Кэнэт Ялавіц, старэйшы дырэктар у правах чалавека і свабодах Інстытуту Маккейна Дэйвід Крэймэр, старшыня Паўночнаамэрыканскай асацыяцыі беларускіх дасьледаваньняў, былы кіраўнік дыпляматычнай місіі ЗША ў Беларусі Скот Роўланд, дырэктар Інстытуту палітычных дасьледаваньняў «Палітычная сфэра» Андрэй Казакевіч ды іншыя.

У выступах закранулі і тэму санкцыяў, на што Дэйвід Крэймэр адрэагаваў:

"З аднаго боку, я хачу, каб людзі ў Беларусі лепш жылі. А зь іншага боку, з прычыны пераважнай ролі дзяржавы ў эканоміцы, падтрымка эканамічнай рэформы дапамагае Лукашэнку. Магчыма, я чалавек старой школы. Я хачу аказаць максымальны ціск. Не хачу рабіць яму жыцьцё прасьцейшым. Бо ня веру, што ён здольны на рэальную лібэралізацыю".

На канфэрэнцыю таксама прыйшоў прадстаўнік беларускага дыпляматычнага прадстаўніцтва ў ЗША і зачытаў афіцыйны ліст, у якім, сярод іншага, Рэспубліка Беларусь заклікае ЗША да супрацы.

Арганізатары сьцьвярджаюць, што гэта першая канфэрэнцыя такога фармату. Яна арганізаваная сумесна Беларускім інстытутам Амэрыкі (БІА) і Нямецкім фондам Маршала ЗША (НФМ) і ў будучыні будзе служыць форумам для абмеркаваньня магчымасьцяў, пэрспэктываў і магчымых кірункаў дачыненьняў паміж ЗША і Беларусьсю.

Беларускі інстытут Амэрыкі (БІА) — некамэрцыйная арганізацыя, заснаваная ў 2015 годзе для разьвіцьця і падтрымкі навукова-дасьледных, аналітычных і грамадзкіх ініцыятываў, а таксама пашырэньня ведаў пра Беларусь у Злучаных Штатах і за мяжой.

Нямецкі фонд Маршала, ЗША (НФМ) умацоўвае трансатлянтычную супрацу ў адказах на рэгіянальныя, нацыянальныя і глябальныя выклікі ў духу пляну Маршала. Заснаваны ў 1972 годзе як бесстароняя некамэрцыйная арганізацыя, НФМ уносіць свой уклад у дасьледаваньні, аналіз і аб’яднанне лідэраў у трансатлянтычных пытаньнях.

Ваша меркаваньне

Паказаць камэнтары

XS
SM
MD
LG