Дата дня
4 красавіка 1557 году нарадзіўся Леў Сапега, палітычны, грамадзкі і ваенны дзяяч Вялікага Княства Літоўскага.
Таксама ў гэты дзень
1794 — пад Рацлавіцамі, каля Кракава, адбылася першая буйная бітва ў часе паўстаньня Тадэвуша Касьцюшкі. Паўстанцкае войска перамагло.
1949 — Бэльгія, Вялікабрытанія, Нідэрлянды, Данія, ЗША, Ісьляндыя, Італія, Канада, Люксэмбург, Нарвэгія, Партугалія і Францыя у Вашынгтоне падпісалі Паўночнаатлянтычную дамову, якая паклала пачатак NATO.
У гэты дзень нарадзіліся
1891 — Язэп Варонка, беларускі палітычны дзяяч, першы прэм’ер-міністар БНР. У 1923 эміграваў у ЗША, памёр у Чыкага ў 1952 годзе.
1896 — Мікола Шчаглоў-Куліковіч, беларускі кампазытар, музыказнавец.
1967 — Алег Хаменка, беларускі музыка, лідэр гурта «Палац».
У памяці
1538 — памерла Алена Глінская, рэгент Маскоўскага княства, жонка Васіля III і маці Івана Жахлівага.
1846 — памёр Лявон Бароўскі, літаратуразнаўца, пэдагог і публіцыст.
1968 — быў забіты Марцін Лютэр Кінг, амэрыканскі грамадзкі дзяяч, змагар з расавай сэгрэгацыяй у ЗША, ляўрэат Нобэлеўскай прэміі міру.
