Лінкі ўнівэрсальнага доступу

МЗС высьвятляе, ці ёсьць сярод пацярпелых беларусы


У беларускім Міністэрстве замежных спраў паведамілі, што пакуль высьвятляецца, ці былі сярод пацярпелых падчас выбуху ў пецярбурскім мэтро грамадзяне Беларусі.

«На дадзены момант аддзяленьне нашай амбасады ў Пецярбургу, а таксама і сама амбасада ў Маскве высьвятляюць. З гэтай мэтай аддзяленьне амбасады падтрымлівае кантакты з Цэнтрам рэагаваньня на крызісныя сытуацыі. Пакуль што ў нас няма нейкіх зьвестак, якімі трэба было б падзяліцца са СМІ», — сказаў карэспандэнту Свабоды прэс-сакратар МЗС Беларусі Дзьмітры Мірончык.

Менскі мэтрапалітэн працуе ў рэжыме павышанай пільнасьці з прычыны выбуху ў Пецярбургу.

Пра гэта сказаў прэс-сакратар Менскага мэтрапалітэну Андрэй Кузьмін. Кузьмін ня стаў камэнтаваць выбух у мэтро Санкт-Пецярбургу.

«Гэтага ніхто пакуль ня можа сказаць, пакуль ня будзе высноваў камісіі. Здагадвацца, рабіць нейкія меркаваньні... Усё скажуць там. Мы знаходзімся на адлегласьці ў 800 кілямэтраў».

XS
SM
MD
LG