Лінкі ўнівэрсальнага доступу

Беларусь зьнізіла экспартныя пошліны на нафту і нафтапрадукты


Ілюстрацыйнае фота ©Shutterstock
Ілюстрацыйнае фота ©Shutterstock

Ад сёньняшняга дня Беларусь зьнізіла экспартныя пошліны на нафту і нафтапрадукты, якія вывозяцца за межы мытнай тэрыторыі Эўразійскага эканамічнага саюзу.

Адпаведнае рашэньне зьмяшчаецца ў пастанове Савета Міністраў № 230, зь якім можна пазнаёміцца на афіцыйным сайце беларускага ўраду.

Стаўка экспартнай пошліны на сырую нафту зьніжана з 91 да 88,9 даляра за адну тону.

Апошні раз стаўкі вывазных мытных пошлін у дачыненьні да сырой нафты і асобных катэгорый тавараў, выпрацаваных з нафты, зьмяняліся з 1 сакавіка — тады яны былі павышаны.

У рамках міждзяржаўных дамоўленасьцяў Расея пастаўляе ў Беларусь нафту і нафтапрадукты без экспартных пошлін. Пошліны выплачваюцца ў расейскі бюджэт пры ажыцьцяўленьні Беларусьсю рээкспарту гэтых тавараў за межы мытнай тэрыторыі ЭАЭС альбо экспарту нафтапрадуктаў, выпрацаваных з расейскай нафты.

Памеры экспартных пошлін узгадняюць абодва ўрады. Яны залежаць ад цэнаў на сырую нафту.

Радыё Свабода

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG