Лінкі ўнівэрсальнага доступу

Някляеў выпісаны зь берасьцейскага шпіталя і вяртаецца ў Менск


Уладзімер Някляеў у берасьцейскім шпіталі

Адзін зь лідэраў Беларускага нацыянальнага кангрэсу Ўладзімер Някляеў быў затрыманы ў Берасьці напярэдадні Дня Волі, калі вяртаўся цягніком з Варшавы.

У часе затрыманьня палітыку стала кепска, яго тэрмінова шпіталізавалі. Сёньня курс лекаваньня завяршыўся. Па абедзе Някляеў выправіўся ў Менск, дзе, як сказаў карэспандэнту Свабоды, будзе далечвацца.

Да гэтага Ўладзімер Някляеў пры дапамозе праваабаронцы Рамана Кісьляка падрыхтаваў і напісаў скаргу ў пракуратуру з прычыны «незаконнага выкраданьня».

Някляеў кажа, што на гэты момант так і не зразумеў, які ў яго статус: яму ня выстаўлена афіцыйнага абвінавачаньня, нават адміністрацыйны пратакол не складаўся. Фактычна ён вольны.

Да таго ж апошнім часам у лякарні яго ніхто ўжо не ахоўваў — адрозна ад першых дзён, калі былі прыстаўленыя людзі ў цывільным і міліцыянты ў форме.

Спадар Някляеў не выключае, што перадусім была задача нэўтралізаваць яго на 25 і 26 сакавіка, калі ў Берасьці была заплянаваная акцыя — практычна пад вокнамі шпіталя. Прынамсі, калі ён паспрабаваў пакінуць палату, міліцыянт спыніў — маўляў, нельга парушаць рэжым мэдычнай установы. Як толькі мітынг завяршыўся, інтарэс да апазыцыянэра зьнік.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG