Пра гэта сам Алег Корбан пасьпеў паведаміць на сваёй старонцы ў Фэйсбуку.
Алег Корбан — актывіст «Маладога Фронту, Аб’яднанай грамадзянскай партыі, цяпер узначальвае грамадзкае аб’яднаньне «Альтэрнатыва». Ня раз атрымліваў штрафы і суткі арышту за ўдзел у публічных акцыях пратэсту. Пасьля аднаго з такіх арыштаў год таму яго звольнілі зь лягістычнай кампаніі «Тут і Там лягістыкс», у якой ён працаваў.